C’hoariva
Teatr brezhonek
Pep tra a dremen en un tiegezh eus a Vro Leon tro ar bloavezhioù 50.
Goulennet eo bet merc’h an tiegezh da zimeziñ gant ul labourer douar pinvidik eus ar Menez Are. An tad, un den gwall lent, ne gred ket lavarout nann. E verc’h avat a zo sot gant ur paotr yaouank…ken lent hag he zad…
Ur pezh-c’hoari skrivet gant Eugène LABICHE, lakaet e brezhoneg ha leurennet gant Goulc’han KERVELLA.
Padelezh : 55 munutenn.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
