C’hoariva
Teatr brezhonek
Strollad Landi a ginnig 3 fezh-c’hoari a vo c’hoariet e-kerzh un Abadenn Blijadur e keñver ar Breizhtival 2015.
C’hoariet e vo :
Pezh kentañ : " Ur bugel zo ganet " un istor Nedeleg skrivet gand Roparz Hemon.
Eil pezh : " An diou glujar " un istor anavezet lakaed e brezhoneg gand G KERVELLA
A da echui " Ar psikolog pe an diskoulmer kudennou " skrivet gand P.-M. MEVEL ha Naig ROZMOR.
A-raok ar pezhioù-c’hoari e vo kanaouennoù e brezhoneg gant an Tokoù Rount.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
