C’hoariva
Teatr brezhonek
E Brest e oa etre an 20 hag an 22 a viz Here.
Ar staj a oa buhezet gant Bernard Grosjean evit ergerzhout ar pezhigoù-c’hoari, gant kevelerezh Ti ar C’hoariva Brest. An tem dibabet evit labourat e oa ar marv… ur c’houlz vat pa emeur o tostaat eus gouel an Anaon !
Bamet omp bewech gant al labour kaset da benn gant ar stajidi hag a ziskouez deomp pegen pinvidik e c’hell bezañ an disoc’hoù pa vez lakaet an ijin a-stroll da vont en-dro.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
