C’hoariva
Teatr brezhonek
Evit lakaat war wel obererezhioù ar gevredigezh emañ C’hoariva o klask ur genlabourerez pe ur c’henlabourer e hanter-amzer.
Burev ar gevredigezh a zo staliet e Douarnenez.
Tu vo labourat a-bell un darn eus an amzer.
Gopret hervez Emglev a-stroll ar buheziñ : strollad C, feur 280.
Post labour da bourveziñ : e penn kentañ miz Gwengolo.
Termen evit kas al lizhiri emstrivañ : 03/05/2024.
Bodad tuta : E-kerzh miz Even.
Lizhiri da gas da C’hoariva.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
